ادھوری محبت

غلط فہمیوں کا اگر وقت پر ازالہ نہ کیا جائے تو اکثر رنجشیں وبال جان بن جاتی ہیں

مجھے لگتا ہے محبت میں حد سے زیادہ انائیں بھی رشتوں کو برقرار نہیں رکھ سکتیں

ایسی بہت سی باتوں کا احساس مجھے ایسے دوراہے پر آ کر ہوا ہے جس سے آگے میرے پاس سوائے پچھتاوے یا آزردگی کے کوئی اور چارہ ہی نہیں

ہاں، وہ میری پہلی محبت ہے

ہاں، وہ میری پہلی محبت تھی

اور پہلی محبت کہاں بھلائے بھولتی ہے

ایک ایسا ساتھی، ایسا ہمدرد، ایسا غمخوار، ایسا محبوب کہاں اور کسے میسر ہو کہ وہ ہر اچھے برے وقتوں میں آپ کا محرم ہو، ہمدم ہو، اور رازدار ہو

انسان بھی بڑا ناشکرا ہے

نعمتوں کی قدر بھی چھن جانے کے بعد کرتا ہے

وہ مجھے اس لیے بھی یاد ہے اور رہے گی

اس نے میرے بچپنہ کے ساتھ، محرمیوں کے ساتھ اور کم عقلی کے باوجود مجھے قبول کیا تھا اور میں؟

میرے لیے میری ضد، میری انائیں مقدم تھیں

شاید اسی لیے وہ آج مجھ سے میری اناؤں کی بدولت دور ہے

لیکن اس سے محبت تھی

اس سے محبت ہے اور رہے گی

اب ضروری تو نہیں کہ ہر محبت کا انجام خیر ہو
آخر کسی محبت کو تو نامراد ہونا ہی ہے

اک ادھوری محبت کے سحر میں وصی شاہ کا شعر اس کی نظر

اپنے احساس سے چھو کر مجھے صندل کر دو

میں کہ صدیوں سے ادھورا ہوں مکمل کر دو